Mərkəzi Gömrük Hospitalının Kardiologiya şöbəsinə daxil olan 69 yaşlı pasiyent üzərində EVAR əməliyyatı icra olunub.

Hospitaldan Aztibb.az-a verilən xəbərə görə, pasiyent Gülağa Ağayev qarın aorta damarında ciddi anevrizma və tromb aşkarlandığı üçün Mərkəzi Gömrük Hospitalının kardioloqlarına müraciət edib. Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, ürək-damar cərrahı, t.e.d. Rəşad Mahmudov və Hospitalın Kardiologiya şöbəsinin rəisi, yandal uzman, invaziv kardioloq  İlqar Tahiroğlu müayinələrə əsasən konsiliumda EVAR əməliyyatının icra edilməsinə qərar veriblər.

Əməliyyat Mərkəzi Gömrük Hospitalının kardioloq və kardiocərrah ürək komandası tərəfindən uğurla icra edilib. Pasiyentin ayaq damarından girilərək xəstənin genişlənən Aorta damarına greft stent  uğurla yerləşdirilib.

Xatırladaq ki, EVAR əməliyyatı qapali yolla ayaq damarından girilərək aorta damarının anevrizma və ya yırtılmış hissəsinə özəl greft stent taxılmasıdır.