"Həkimlərimizi tanıyaq!" rubrikamızda söz açacağımız zəngin iş təcrübəsinə malik peşakar həkimlərimizdən biri də Ağdaş Rayon Mərkəzi Xəstəxanasının TTTY şöbəsinin müdiri Baxtiyar Paşayevdir.

O, 25 oktyabr 1976-cı ildə Bakı şəhərində anadan olub. 1999-2004-cü illərdə Elm və Təhsil Mərkəzi “Təfəkkür” Universitetində Tibbi biologiya ixtisası üzrə təhsil alıb. 2004-2005-ci illərdə Bakı Dövlət Dəmir yol xəstəxanasında funksional diaqnostika ixtisası üzrə internatura keçib.

Baxtiyar Paşayev 2007-ci ildə Ağdaş MRX-nın Poliklinika şöbəsində elektrosefoloqrafiya üzrə həkim, 2010-cu ildə Şüa diaqnostika şöbəsində şüa diaqnostika üzrə həkim, 2012-2018-ci illər ərzində həkim-statistik, 2018-ci ildə Tibbi statistika kabinetinin bölmə müdiri vəzifələrində çalışıb. 2019-cu ildə Statistika bölməsində həkim-statistik işləyib, 2020-ci ildən bu günə qədər TTTYŞ-nin müdiri vəzifəsində çalışır.