Tədbiri giriş sözü ilə açan Kürdəmir Rayon Mərkəzi Xəstəxanasının direktor vəzifəsini icra edən Tarix İslamov müstəqilliyimizin əbədiliyi və dönməzliyinin Ümummilli Lider Heydər Əliyevin adı ilə bağlı olduğunu, xalqımızın özünün əsl müstəqilliyini Ulu Öndər Heydər Əliyevin hakimiyyətə qayıdışından sonra əldə etdiyini və möhkəm əsaslar üzərində yeni inkişaf xətti qurduğunu diqqətə çatdırıb. Bildirilib ki, 2021-ci il oktyabrın 15-də Azərbaycan Respublikasının Milli Məclisində Prezident İlham Əliyevin təşəbbüsü ilə “Müstəqillik Günü haqqında” yeni qanun təsdiqlənib. Qanuna əsasən, mayın 28-i Müstəqillik Günü, oktyabrın 18-i isə Müstəqilliyin Bərpası Günü elan olunub.

 

Daha sonra Kürdəmir Rayon Mərkəzi Xəstəxanasının həkimi, rayon Ziyalılar Şurasının sədri Sabir Novruzov qeyd edib ki, Azərbaycan xalqının ən böyük arzusu ərazi bütövlüyünun bərpası idi. Müzəffər Ali Baş Komandan İlham Əliyevin rəhbərliyi ilə Azərbaycan Ordusunun qazandığı şanlı Qələbə nəticəsində işğala son qoyuldu, düşmən Azərbaycan torpaqlarından çıxarıldı, dövlətin ərazi bütövlüyü bərpa edildi. Bu tarixi Zəfəri qazanan Azərbaycan xalqı bütün dünyaya göstərdi ki, Azərbaycanın müstəqilliyi əbədidir.