Mərkəzi Gömrük Hospitalının İnvaziv kardiologiya şöbəsinin rəisi, invaziv kardioloq İlqar Tahiroğlu “Medtronic” firması tərəfindən sertifikat alıb.

Hospitaldan Aztibb.az-a bildirilib ki, bu, dünyada TAVİ əməliyyatının proktorluğunun qəbul edilməsi sertifikatıdır. Sözügedən sertifikatı almış şəxs TAVİ əməliyyatının icra olunduğu bütün ölkələrdə yeni başlanan mərkəzlərə proktor olaraq dəvət edilir və orada Medtronic tərəfindən əməliyyatın təşkili, həyata keçirilməsi, təlimlərin təşkilinə icazə verilir.

Dünya üzrə rəsmi proktor elan edilən İlqar həkim artıq TAVİ əməliyyatlarını dünyanın hər yerində proktor olaraq aktiv şəkildə icra edəcək. İlk səfər Özbəkistana planlaşdırılıb. Orada 4 TAVİ əməliyyatı həyata keçiriləcək.