"Həkimlərimizi tanıyaq!” rubrikamızda bu dəfə Gəncə Şəhər Birləşmiş Xəstəxanasının nəzdindəki Abbas Səhhət adına xəstəxananın Reanimasiya şöbəsinin müdiri Mehman Qurbanovu oxuculara təqdim edirik.

O, 26 iyul 1959-cu ildə İsmayıllı şəhərində anadan olub. 1978-1984-cü illərdə Azərbaycan Tibb Universitetinin Müalicə işi fakültəsində ali təhsil alıb. 1984-1985-ci illərdə Bakı şəhərindəki 1 saylı şəhər klinik xəstəxanasında internatura kursu keçib.

 

1985-ci ildən fəaliyyətə başlayan Mehman Qurbanov Gəncə Təcili yardım xəstəxanasında, 1994-1997-ci illərdə isə Silahlı Qüvvələrdə həkim-reanimatoloq vəzifəsində çalışıb. Daha sonra Gəncə Reabilitasiya Mərkəzində baş həkim, 2007-2012-ci illərdə Endokrinoloji xəstəxanada, 2012-2017-ci illərdə isə Göygöl Rayon Mərkəzi Xəstəxanasında həkim-reanimatoloq kimi fəaliyyət göstərib. 2017-ci ildən fəaliyyətini Gəncə Şəhər Birləşmiş Xəstəxanasının nəzdindəki Abbas Səhhət adına xəstəxanada davam etdirən Mehman Qurbanov hazırda xəstəxananın Reanimasiya şöbəsinin müdiridir.