Təlimdə Bakı, Sumqayıt, Gəncə, Mingəçevir şəhərlərindən, eləcə də Yevlax, Masallı, Şamaxı, Lənkəran, Bərdə, Göyçay rayonlarından olan Təcili Tibbi Yardım həkimləri iştirak ediblər.

 

Təlimdə ÜST-nin ekspertləri Okan Ok, Ridvan Atilla və Başak Bayram təcili tibbi yardım xidmətinin əsas nəzəri və praktiki bilikləri barədə iştirakçılara ətraflı məlumatlar veriblər. Bundan başqa, xəstələrin ambulansla təxliyəsi qaydaları, eləcə də xəstəxanaların təcili yardım şöbələrində sonrakı idarəedilməsi istiqamətində tibbin son nailiyyətlərindən danışıblar.

 

Həmçinin, dinləyicilər manikenlər və mulyajlar üzərində simulyasiya tapşırıqlarını yerinə yetiriblər.

 

Təcili yardım həkimlərinin bu təlimlərdə öyrəndiklərini digər həmkarları ilə bölüşməsi də planlaşdırılır.

 

PhTLS təlimlərinin davamlı şəkildə təşkili nəzərdə tutulub.