Uzman həkim bildirib ki, oturaq həyat tərzi nəticəsində yaranan yüksək xolesterin və piylənmə ürək xəstəliyi riskini artırır. Hərəkətsiz olanlar gün ərzində qida ilə qəbul etdikləri enerjini (kalori) sərf edə bilmirlər. Nəticədə artıq qalan kalorilər piy şəklində yığılır.

 

Onun sözlərinə görə, son zamanlar piylənmənin artması və xolesterinin yüksək olması səbəbindən ürək xəstəliklərində artım müşahidə olunur. Çəkisi artıq olanlar tənəffüs pozğunluğundan da (təngnəfəslik) əziyyət çəkdikləri üçün bu, son nəticədə ağciyər və ürək çatışmazlığına səbəb olur.