Azərbaycan Oftalmoloqlar Cəmiyyətindən Aztibb.az-a verilən məlumata görə, dekada çərçivəsində həkimlər briqadası üzvlərindən - oftalmoloq-cərrahlar Məhərrəm Pirmətov və Rövşən Rəcəbli tərəfindən əməliyyatlar və müayinələr həyata keçirilib. Belə ki, oftalmologiya üzrə ümumi ağır dərəcəli keyslər daxil olmaqla 50 əməliyyat və 186 müayinə gerçəkləşdirilib.

 

Qeyd edək ki, 11 oktyabr tarixində səhiyyə sahəsində Özbəkistan-Azərbaycan səhiyyə forumu həyata keçiriləcək və həmin tarixdə də səhiyyə dekadası artıq fəaliyyətini yekunlaşdıracaq.