Rusiyanın Virusologiya və Biotexnologiya Dövlət Elmi Mərkəzi - "Vektor"un mütəxəssisləri qripə və yeni növ koronavirus infeksiyasına qarşı birləşdirilmiş vaksinin hazırlanması üzərində işləyirlər.
Aztibb.az tass.ru-ya istinadla xəbər verir ki, bu barədə mərkəzin direktoru Rinat Maksyutov bildirib.
Bu vaksinə ehtiyac yaranmasının səbəblərindən danışan mərkəzin rəhbəri qeyd edib ki, tədqiqatlara əsasən, eyni zamanda qrip və yeni növ koronavirusa yoluxma mövsümi qripin gedişatını çətinləşdirir və ondan ölüm sayını əhəmiyyətli dərəcədə artırır.
Qeyd edək ki, daha əvvəl Rusiyanın Səhiyyə Nazirliyinin N. F. Hamaleyi adına Epidemiologiya və Mikrobiologiya Milli Tədqiqat Mərkəzi də bu kimi vaksinin hazırlanması ilə bağlı işlər gördüklərini bildirmişdi.
