Vətən müharibəsi iştirakçısı, II qrup əlil qazi Elvin Abbasov TƏBİB-in tabeliyindəki Şirvan Şəhər Mərkəzi Xəstəxanasında işlə təmin olunub.

Xəstəxanadan Aztibb.az-a bildirilib ki, o, tibb müəssisəsinin Dəstək xidmətləri şöbəsinin təhlükəsizlik bölməsinin mühafizəçisi vəzifəsinə təyin edilib.

Torpaqlarımızın işğaldan azad olunması uğrunda igidlik göstərən Elvin Abbasov Prezident İlham Əliyevin Sərəncamı ilə “Füzulinin azad olunmasına görə”, “Xocavəndin azad olunmasına görə”, “Qüsursuz xidmətə görə”, “Cəsur döyüşçü”, “Vətən müharibəsi iştirakçısı” medalları ilə təltif olunub.