Şirvan Şəhər Mərkəzi Xəstəxanasının tabeliyindəki Bayramlı qəsəbə həkim məntəqəsində yerli sakinlər üçün səyyar tibbi müayinə təşkil olunub.

Bu barədə Aztibb.az-a Rayon Xəstəxanasından məlumat verilib.

Vətəndaşlar ixtisaslı həkim və laborant heyəti tərəfindən müayinə olunub, diaqnozlarına uyğun müalicə təyin edilib.

Səyyar müayinə zamanı sakinlər portativ USM müayinəsi, kardioloqun konsultasiyası və ürəyin EKQ müayinəsindən faydalanıblar. Eyni zamanda, laboratoriyada müayinə olunmaq üçün müvafiq qan nümunələri götürülüb, oftalmoloji və nevroloji müayinələr aparılıb.

Ətraflı müayinə və müalicə məqsədilə Şirvan Şəhər Mərkəzi Xəstəxanasına dəvət olunub.

Səyyar tibbi aksiyanın məqsədi vətəndaşlara tibbi xidmətlərin əlçatanlığını təmin etmək, əhali arasında profilaktik müayinə mədəniyyətini, sağlam həyat tərzini təbliğ etməkdən, xəstəxanalara gələ bilməyən vətəndaşlar üçün müayinələrin həyata keçirilməsini təşkil etməkdir.

Sakinlər aksiyanın təşkilatçılarına və həkim briqadasına minnətdarlıqlarını bildiriblər.

Şirvan Şəhər Mərkəzi Xəstəxanasının növbəti səyar tibbi aksiyası Hacıqəhrəmanlı qəsəbəsində də keçirilməsi planlaşdırılır.