“Turay” MMC-nin nəzdində fəaliyyət göstərən “NewMed” klinikası ölkəmizin ərazi bütövlüyü uğrunda vuruşan Milli Ordumuza dəstək olub.
Aztibb.az xəbər verir ki, klinikanın rəhbəri Qardaşxan Süleymanov Şamaxı rayon İcra Hakimiyyətinin nümayəndəsi və keçmiş Qarabağ qazilərinin iştirakilə 8000 min manat civarında tibbi ləvazimat, geyim və digər gündəlik lazım olan əşyaları Ordumuza göndərib. Göndərilən sovqatdan başqa Azərbaycan Respublikasının Silahlı Qüvvələrə Yardım Fonduna 10.000 manat vəsait köçürülüb.
Aztibb.az xəbər verir ki, şirkət rəsmisi hər kəsi bu aksiyada fəal iştirak etməyə dəvət edir. Qeyd edək ki, klinkanın baş həkimi Rəşad Məmmədxəlilov və həkim Ramil Abdulov könüllü olaraq cəbhə bölgələrində yaralı əsgərlərimizin xidmətindədirlər.