Braziliyanın Sağlamlığa Nəzarət Üzrə Milli Agentliyi Britaniyanın "AstraZeneca" şirkəti və Oksford Universitetinin yeni növ koronavirusa (COVID-19) qarşı vaksinin sınaqlarında iştirak etmiş ölkə vətəndaşının həlak olması haqqında bəyanat yayıb.

Aztibb.az ria.ru-ya istinadla xəbər verir ki, sənəddə ölüm səbəbi konfedensiallıq baxımından bildirilmir. Həmçinin ölən şəxsin plasebo və ya aktiv preparat könüllüsü olduğu açıqlanmır.

"AstraZeneca"dan bildirilib ki, şirkət hələlik vaksinin sınağında iştirak etmiş şəxsin ölümünə dair rəsmi mövqeyə malik deyil və bu informasiyanı şərh etmir.

Oksford Universitetinin nümayəndəsi vəziyyəti şərh edərək bildirib ki, vaksin təhlükəsizdir və onun sınaqları davam edəcək.