Anemiya qan hüceyrələrinin sayının azalması, digər izahla, qanın oksigeni daşıma qabiliyyətinin azalmasıdır.

 

Aztibb.az xəbər verir ki, Xocalı Rayon Mərkəzi Xəstəxanasının həkim-terapevti Elnarə Salmanzadə bildirib ki, anemiyaya çoxlu qan itirildikdə (yaralandıqda, mədə-bağırsaq, ağciyər, burun, uşaqlıq və s. qanaxmaları zamanı), kimyəvi maddələrlə zəhərləndikdə, bədxassəli şiş törəmələrində, B12 vitamini çatışmadıqda və s. hallarda rast gəlinir.

 

Terapevtin sözlərinə görə, anemiyadan qorunmaq üçün sağlam və təbii mənşəli qidalara üstünlük verilməlidir. Buna görə də qida rasionu qırmızı ət, qaraciyər, yumurta, ispanaq, paxlalı bitkilərlə zənginləşdirilməlidir: "Pasiyentin şikayəti davam edərsə, həkimə müayinə və müalicə üçün mürəciət edilməlidir. İstənilən halda həkim tövsiyəsi olmadan hər hansı dərman, vitamin, qida əlavəsi qəbuluna başlanılmamalıdır”.