Ağdaş Rayon Mərkəzi Xəstəxanasının Ginekologiya və doğum şöbəsinin mama-ginekoloqu Ziyafət Rüstəmova, Ağdaş şəhər ASM bölməsinin ailə həkimi-terapevti Sədaqət Mustafayeva, Transfuziya kabinetinin sanitar qadını Yəmən Şıxəliyeva və Stomatoloji kabinetin təsərrüfat bacısı Rəna Quliyeva çalışmanın yaş həddinə çatdıqlarına görə təqaüdə göndəriliblər.

Aztibb.az Xəstəxananın feysbuk səhifəsinə istinadla bildirir ki, bununla bağlı keçirilən tədbirdə təqaüdə göndərilən əməkdaşların ölkəmizin səhiyyə sistemi üçün hər zaman ürəklə çalışdıqları qeyd olunub.

Onlar Fəxri fərmanla təltif olunaraq kollektiv tərəfindən təntənəli şəkildə yola salınıblar.