TƏBİB-in tabeliyindəki İsmayıllı Rayon Mərkəzi Xəstəxanasının ixtisaslı həkimlərindən ibarət briqadası hər həftənin şənbə günü rayonun ucqar kəndlərində vətəndaşları müayinə edir.

 

Xəstəxanadan Aztibb.az-a verilən məlumata görə, həkimlərin növbəti xəstə qəbulu Qubaxəlilli Ailə Sağlamlıq Mərkəzində baş tutub.

 

Qubaxəlilli ASM bölmə müdiri pediatr Sevda Bağırlının təşkilatçılığı ilə terapevt Mehman Qədirov, nevropatoloq Nüşabə Salehova, pediatr Jalə Bağırova xəstələri müayinə edib, onlara lazımi müalicə və məsləhətlərini veriblər.

 

Daha ətraflı diaqnostik müayinəyə ehtiyacı olan xəstələr Mərkəzi Xəstəxanaya yönləndiriliblər.

 

Məqsəd ucqar kəndlərdə yaşayan, müayinə və müalicə olunmaq üçün rayon mərkəzinə gəlməkdə çətinlik çəkən, eyni zamanda aztəminatlı əhaliyə tibbi xidmətlərin əlçatanlığını təmin etməkdir.