O, nə zaman xəstəyə daşıyıcı Hepatit B xəstəsisən deyildiyini açıqlayıb. Bildirib ki, qanda qaraciyər funkusiyon testləri normal 6 aydan uzun müddətli HBsAg pozitif (+), HBV DNT-nin az titrədə olması, Hepatit D-nin olmaması, eləcə də qaraciyər fibrozisinin olmaması daşıyıcını real xəstədən fərqləndirən əsas amildir.

 

Hepatoloqun sözlərinə görə, naktiv HBsAg daşıyıcılarında zaman içində HBsAg neqatifləşməsi və hətta anti-HBsAg pozitifləşməsi ola bilər. Xəstədə sirroz və ya irəliyə doğru ağırlaşmalar yoxdursa, daşıyıcılıq müalicəsiz izlənilməlidir:

 

"Daşıyıcı Hepatit B xəstələri həkim nəzarətində, qan analizləri ilə daim izlənməlidir. İnaktiv daşıyıcı Hepatit B xəstəliyi üzərinə hər hansı bir infeksiyon (Hepatit C, Hepatit D, HİV qrip) qoşularsa, hepatotoksiki təsirlər (ağrıkəsici, antibiotik, oral kontraseptiv, psixotrop dərmanlar, bitki mənşəli peraparatlar və bitkilər və s.) istifadə olunarsa xəstəliyə çevrilə bilər. Daşıyıcı Hepatit xəstəsi dərk etməlidir ki, hepatit B virusu qanında və qaraciyərində var və bu nə vaxtsa aktivləşə bilər. Hepatit xəstələri ildə 2 dəfə hepatoloq nəzarətində olmalı, lazımi müayinələrdən keçməli və digər sağlam insanları yoluxdurmamaq üçün çalışmalıdırlar".