Hamiləliyin 32-ci həftəsində Səhiyyə Nazirliyi Elmi-Tədqiqat Mamalıq və Ginekologiya İnstitutunda vaxtından əvvəl dünyaya gələn uşaq bir aylıq müalicədən sonra evə yazılıb.

 

İnstitutdan Aztibb.az-a verilən məlumata görə, 1750 qram çəkidə doğulan körpə vəziyyəti ilə əlaqədar dərhal Yenidoğulmuşların reanimasiya və intensiv terapiyası şöbəsinə köçürülüb.

 

Həkim-neonatoloq Şəbnəm Yusifzadənin nəzarəti altında olan uşağa nekrotik enterokolit (NEK) diaqnozu qoyulub. 10 gün müddətində parenteral qidalanıb. CPAP dəstəyində stasionar müalicə alan yenidoğulmuş bir ay sonra sağlam şəkildə ailəsinə təhvil verilib.