Aztibb.az-ın "Həkimlərimizi tanıyaq!" rubrikasının növbəti qonağı Nəzər Tariyel oğlu Səfərovdur.

 

O, 1987-ci ildə Gəncə şəhərində anadan olub. 2004-cü ildə Ukrayna Çernovtsi şəhərində Bukovina Dövlət Tibb Universitetinə daxil olub, 2010-cu ildə universiteti bitirib. Həmin ildə nevrologiya ixtisası üzrə kliniki ordinaturaya qəbul olub və 2012-ci ildə bitirib.

 

Nəzər Səfərov 2015-2021-ci illər ərzində Gəncə-Naftalan Sağlamlıq Mərkəzində, 2020-2021-ci illərdə DNK Tibb Mərkəzində həkim-nevroloq vəzifəsində çalışıb. 44 günlük müharibə zamanı N saylı hərbi hissənin tərkibində sanitar təlimatçı kimi iştirak edib. O, 2022-ci ildən etibarən Samux Rayon Mərkəzi Xəstəxanasının nəzdində olan Samux rayon Lək kənd həkim məntəqəsində bölmə müdiri vəzifəsində fəaliyyət göstərir.