Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.

 

Rubrikada bu dəfə Neftçala Rayon Mərkəzi Xəstəxanasının TTTY şöbəsinin müdiri Füzuli Mehtiyev haqqında məlumatları diqqətə çatdırırıq.

O, 9 yanvar 1966-cı ildə Neftçala rayonunun Dördlər kəndində anadan olub. 1987-1993-cü illərdə Nəriman Nərimanov adına Tibb Universitetində təhsil alıb. 1993-1994-cü illərdə Bakı şəhəri 5 nömrəli kliniki xəstəxanada internatura keçib.

 

Füzuli Mehtiyev 1994-2000-ci illərdə Neftçala Şəhər Mərkəzi Xəstəxanasında həkim-terapevt vəzifəsində çalışıb. 2000-2015-ci illərdə Azərbaycan Dövlət Sərhəd Xidmətinin N saylı hərbi hissəsində tibb məntəqəsi rəisi, 2015-2018-ci illərdə Azərbaycan Dövlət Sərhəd Xidmətinin N saylı hərbi hisasəsində təminat üzrə komandirin müavini, 2018-2021-ci illərdə City Hospotalda həkim terapevt işləyib.

 

Ali Baş Komandan İlham Əliyev və Dövlət Sərhəd Xidmətinin rəisi Elçin Quliyev tərəfindən təltif olunub. Aprel döyüşlərində iştirak edərək T/X polkovnik-leytenantı hərbi rütbəsinə qədər yüksəlib. 2018-ci ildə yaşı ilə əlaqədar T/X polkovnik-leytenantı hərbi rütbəsində ehtiyata buraxılıb. Səhiyyə Nazirliyinin sertifikasiya komissiyasının imtahanını verib.

 

Hazırda Neftçala RMX-da TTTY şöbəsinin müdiri kimi fəaliyyət göstərir.