Bu barədə Şuşa Rayon Mərkəzi Xəstəxanasından xəbər verilib.

 

Tədbirdə xəstəxananın direktoru Kəmalə Səfərova, baş həkimi Mətanət Bünyadova və xəstəxananın kollektivi iştirak edib.

 

Tibb müəssisəsinin baş həkimi Ulu Öndər Heydər Əliyevin həyata keçirdiyi uğurlu siyasətdən, onun layiqli davamçısı Ali Baş Komandan, Prezident İlham Əliyevin işğal olunmuş torpaqlarımızı azad etməsindən və tarixi zəfərimizdən danışıb.  O, Vətən müharibəsində Azərbaycan xalqının sözün həqiqi mənasında birlik nümayiş etdirərək böyük zəfərə nail olduğunu, bu qələbədə hərbçilərimizin, o cümlədən gənclərin göstərdiyi şücaətin əsl vətənpərvərlik nümunəsi olduğunu deyib, vətən uğrunda canlarından keçən şəhidlərimizin xatirələrinin həmişə uca tutulacağını bildirib.