Gəncə şəhərində risk qrupu nümayəndələri arasında vərəm, İİV, Hepatit C və B, sifilis infeksiyaları üzrə müayinələrin aparılması məqsədilə aksiya təşkil olunub. Tədbirdə Səhiyyə Nazirliyi Respublika QİÇS-lə Mübarizə Mərkəzinin əməkdaşları, Səhiyyə Nazirliyi Layihə Əlaqələndirmə Bürosunun və Elmi-Tədqiqat Ağciyər Xəstəlikləri İnstitutunun mütəxəssisləri iştirak ediblər.

 

Bu barədə Aztibb.az-a Respublika QİÇS-lə Mübarizə Mərkəzindən məlumat verilib.

 

Bildirilib ki, aksiyaya qoşulan vətəndaşlar öz statusunu dəqiqləşdirib, ekspress-testdən keçib və vərəmə görə müayinə olunublar.

 

Təcrübəli mütəxəssislər insanlara İİV/QİÇS-ə yoluxma yolları, profilaktikası, onun ödənişsiz, anonim qaydada müayinəsi və müalicəsi barədə ətraflı məlumat veriblər.