Hamiləlikdən zəhərlənərək qaraciyəri sıradan çıxan, körpəsi 34 həftəlik doğulan və inkubatora yerləşdirilən Eda Aktaş, Bilkənd Şəhər Xəstəxanasında beyin ölümü olan 12 yaşlı uşaqdan alınan qaraciyər transplantasiyası sayəsində həyata qayıdıb. 

Aztibb.az-ın medimagazin.com.tr-yə istinadla məlumatına görə, həkimlər əvvəlcə körpəni keysəriyyə əməliyyatı ilə xilas edərək ananı tez bir zamanda reanimasiya şöbəsinə aparıblar. Zəhərlənmə səbəbiylə qaraciyər çatışmazlığı yaranan və dəyərləri yaxşılaşmayan ana üçün bütün Türkiyə daxilində "təcili transplantasiya" çağırışı edilib.

Ölümlə həyat arasında böyük mübarizə aparan 40 yaşlı Eda Aktaş gözlədiyi xəbəri Boludan alıb. Belə ki, beyin ölümü olan 12 yaşlı uşaq ailəsinin bağışladığı orqanlarla Aktaşa yeni həyat verib. Uşaqdan alınan qaraciyər eyni vaxtda aparılan əməliyyatla anaya köçürülüb.

Beləliklə, gənc ana həyatda qalmaq üçün mübarizə apararkən inkubatorda böyük bir fədakarlıqla böyüdülən körpəsi Aybars və 4 yaşlı qızı Aybükə ilə qovuşub.