Qəbələ Rayon Mərkəzi Xəstəxanasının ümumi cərrahı Şirin Muştaqov yaş həddi ilə əlaqədar olaraq təqaüdə göndərilib.

Xəstəxanadan Aztibb.az-a bildirilib ki, bununla bağlı keçirilən tədbirdə Şirin Muştaqovun ölkəmizin səhiyyə sistemi üçün hər zaman ürəklə çalışdığı qeyd olunub.

Daha sonra TƏBİB-in İcraçı direktoru Vüqar Qurbanovun əmri ilə hazırlanmış təşəkkürnamə və bir sıra hədiyyələr Şirin Muştaqova təqdim olunub.

Tədbirdə, həmçinin Qəbələ Rayon Mərkəzi Xəstəxanasının tabeliyində olan Vəndam ASM şöbəsinin ailə həkimi-terapevti Xitilov Balabəy Bəyalı oğluna Fəxri fərman və bir sıra hədiyyələr təqdim olunaraq təqaüdə yola salınıb.

Vurğulanıb ki, Şirin Muştaqov və Balabəy Xitilov  tibb müəssisəsində fəaliyyət göstərdikləri müddət ərzində həm kollektivin, həm də vətəndaşların böyük sevgi və hörmətini qazanıblar.