Bakı Dövlət Universitetinin (BDU) Kimya fakültəsinin kollektivi görkəmli alim, Əməkdar elm xadimi, “Şöhrət” ordeni laureatı, akademik Rəfiqə Əliyevanın anadan olmasının 91-ci ildönümü ilə əlaqədar Fəxri xiyabana gələrək onun xatirəsini yad ediblər.

Aztibb.az-a BDU-dan bildirilib ki, kollektiv kimyaçı alimin məzarı üzərinə gül dəstələri düzüb, onun xatirəsini ehtiramla anıb.

Akademik Rəfiqə Əliyevanın əziz xatirəsi öz taleyini bağladığı və inkişafına böyük töhfələr verdiyi BDU-da həmişə ehtiramla yad edilir. Görkəmli alim, həssas qəlbli insan, qayğıkeş ana Rəfiqə xanım Əliyevanın xatirəsi onun həmkarlarının və tələbələrinin qəlbində həmişə yaşayacaq və gənc nəsil onun yaratdığı elmi istiqaməti davam etdirəcək.