Üz iflici mimiki əzələlərin zəifləməsi və ya tam hərəkətini itirməsidir. Üzün bir yaxud hər iki tərəfində rast gəlinə bilir, tibbi adı fasial iflicdir.

 

Aztibb.az xəbər verir ki, Respublika Klinik Xəstəxanasının Sinir xəstəlikləri şöbəsinin müdiri Aytən Hüseynova bildirib ki, üz iflicinin yaranma səbəbləri - üz sinirinin iltihabı-neyropatiyası, kəllə beyin travmaları və ya şişləri, dağınıq skleroz xəstəliyidir. Üz iflici qısa bir müddətdə sağala və ya heç bərpa olmaya da bilər (etiologiyaya bağlıdır).

 

Həkim üz iflicinin əlamətlərini də sadalayaraq qeyd edib ki, buna gözün açıq qalması, ağzın əyilməsi, çeynəmədə və danışmaqda çətinlik, qulaq arxasında ağrı, ağız suyunun axması aiddir.

 

Onun sözlərinə görə, xəstəliyin diaqnozu nevroloq həkimin pasiyenti müayinəsi zamanı qoyulur və ehtiyac olarsa ENMQ, baş beyin KT və MRT müayinələrindən istifadə edilir: "Müalicəsi yaranma səbəbinə uyğun aparılmalıdır.

Maraqlısı odur ki, bu xəstəlikdə pasiyenti əsas narahat edən məqam xəstəliyin səbəbi yox, kosmetik görüntü olur".