"Həkimlərimizi tanıyaq!" rubrikamızda söz açacağımız növbəti həkimimiz Hicran Əliyevadır. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

 

Hicran Qədir qızı Əliyeva 13 yanvar 1972-ci ildə Xocavənd rayon Axull kəndində anadan olub. 1990-1996-cı illərdə N.Nərimanov Azərbaycan Tibb Universitetinin Müalicə-profilaktika fakültəsində təhsil alıb. 1996-1997-ci illərdə Mingeçevir Şəhər Mərkəzi Xəstəxanasında internatura keçib.

 

O, 1997-2001-ci illərdə Yardımlı rayon Avaş kənd həkim ambulatoriyasının müdiri, 2001-2005-ci illərdə Əli Bayramlı (Şirvan) Şəhər Mərkəzi Xəstəxanasının Mərkəzi Poliklinikasında Yeniyetmələr otağında həkim, 2005-2007-ci illərdə Yardımlı rayon Avaş kənd həkim ambulatoriyasının müdiri, 2007-ci ildə Mərkəzi Poliklinikanın şöbəsinin həkim-terapevti vəzifələrində çalışıb. 2021-ci ildən Şirvan Şəhər Mərkəzi Xəsəxanasında ailə həkimi-terapevt kimi fəaliyyət göstərir.

2007-ci ildə Yardımlı Rayon Mərkəzi Xəstəxanası tərəfindən yorulmaz fəaliyyəti, xəstələrə qarşı səmimiyyəti və qüsursuz xidmətlərinə görə Fəxri fərmana layiq görülüb.

14.10.2013-cü ildə Həkimlərin Sertifikasiya Şəhadətnaməsindən keçib.