Türkiyənin Ali Təhsil Şurası (YÖK) tərəfindən bu ölkənin universitetlərinə ölkələrinə tibbi yardım göstərmək üçün müvəqqəti qayıtmaq istəyən azərbaycanlı həkimlərə mövcud qanunvericiliyə uyğun olaraq lazımi icazələrin verilməsinin asanlaşdırması üçün məktub göndərilib.

YÖK rəhbərliyi tərəfindən məktublar azərbaycanlı həkimlərin çalışdığı 14 universitetin rektoruna ünvanlanıb.

Aztibb.az medimagazin.com.tr-yə istinadla xəbər verir ki, məktubda Ermənistanın Azərbaycana qarşı başlatdığı hücumlar səbəbi ilə Türkiyədəki tibb fakültələrində çalışan həkimlərin Azərbaycanda ehtiyac duyulan tibbi dəstəyi göstərmək üçün könüllü olaraq ölkələrinə getmək məqsədilə səfirliyə müraciət etdikləri bildirilib.

Həmçinin YÖK tərəfindən universitetlərin Azərbaycan həkimlərinin tələbini mövcud qanunvericilik daxilində qiymətləndirərək və lazımi tədbirlər görərək məsələyə müsbət cavab verməsi təklif olunub.