TƏBİB- in tabeliyində fəaliyyət göstərən Xaçmaz Rayon Mərkəzi Xəstəxanasının akt zalında "Fövqaladə hallar zamanı davranış qaydaları" mövzusunda maarifləndirici tədbir keçirilib.

Aztibb.az Xəstəxananın rəsmi feysbuk səhifəsinə istinadla bildirir ki, tədbirdə Xaçmaz Rayon Mərkəzi Xəstəxanasının Mülki müdafiə üzrə mütəxəssisi Məzahir Məmmədrəsulov, xəstəxana əməkdaşları və Fövqəladə Hallar Nazirliyi Şimal Regional Mərkəzinin əməkdaşları Elnur Mürsəlov, Etibar Qasımov iştirak ediblər.

Tədbirdə təbii fəlakətlər və texnogen qəzalar zamanı insanların davranış qaydaları, təxliyə edilməsi formaları və zərərçəkənlərə ilkin tibbi yardım göstərilməsi haqqında məlumat verilib, mövzuya aid videoçarx izlənilib.