Sumqayıt Tibb Mərkəzi (STM) uşaq bağçalarında mütəmadi olaraq maarifləndirici tədbirlər keçirir.

 

Aztibb.az STM-in rəsmi feysbuk səhifəsinə istinadla bildirir ki, bu tədbirlərin əsas məqsədi bir çox infeksion xəstəliklərdən qorunmaqda ən effektiv vasitə olan peyvəndlərlə bağlı insanları maarifləndirmək, uşaqların və gələcəyimizin təhlükəsizliyini təmin etməkdir.

 

Növbəti belə tədbir 54 saylı Körpələr evi-uşaq bağçasında keçirilib.

 

1 nömrəli Ailə Sağlamlıq Mərkəzinin (ASM) ailə həkimi, pediatr Şəlalə Nəcəfova, tibb bacıları Səadət Şamilova, Ülviyyə Abbasova və Aysel Şükürova uşaqlarda profilaktik peyvəndin əhəmiyyəti ilə bağlı valideynlərə ətraflı məlumat verib.

 

Qarşılıqlı fikir mübadiləsi şəraitində keçən tədbirlərdə valideynləri maraqlandıran suallar cavablandırılıb.