Toplantıda Akademik Zərifə Əliyeva adına Milli Oftalmologiya Mərkəzinin oftalmoloqları - t.ü.f.d. Nigar Həsənova, t.ü.f.d. Nərminə Hacıyeva, t.ü.f.d. Aygün Səfərova, Cəmil Həsənov, Sidiqə Əliyeva, Ləman Əsgərova, Aysel Əkbərova və rezident Emin Ərəbov iştirak ediblər.

 

Bu barədə Aztibb.az-a Milli Oftalmologiya Mərkəzindən məlumat verilib.

 

Tədbirdə Cəmil Həsənov “Refrakter qlaukomalarda klapansız qlaukoma drenajları implantasiyasının Azərbaycanda uzunmüddətli nəticələri”, t.ü.f.d. Nigar Həsənova "Hallerman- Ştreiff sindromu", Sidiqə Əliyeva "Buynuz qişanın ektaziyasının korneal rekonstruksiya üçün femtosaniyə lazerlə müalicəsi", Ləman Əsgərova və Sidiqə Əliyeva isə “Keratokonuslu gözlərdə krosslinkinq sonrakı nəticələr" adlı e-poster məruzələr ilə çıxış ediblər.

 

ESCRS Vienna 2023 konfransının bir günü WSPOS “Beynəlxalq oftalmologiya və çəpgözlük” ixtisas gününə həsr olunub. Burada dünyaca məhşur uşaq oftalmoloqları və strabizmoloqlar bu sahənin müxtəlif istiqamətləri üzə məruzələr oxuyublar. Milli Oftalmologiya Mərkəzinin həkimi Aysel Əkbərova bu ixtisas günündə iştirak edib.

 

Konfrans maraqlı elmi müzakirələrlə yadda qalıb.