"Qəbələ Rayon Mərkəzi Xəstəxanası" publik hüquqi şəxsin Laboratoriya şöbəsinə keçən həftə ərzində 1504 müraciət daxil olub, 38663 müayinə icra edilib.

Aztibb.az Xəstəxananın rəsmi feysbuk səhifəsinə istinadla xəbər verir ki, bu müayinələrə qanın və sidiyin ümumi analizi, onkomarkerlər, qanda hormonların və infeksiyaların təyini, koaquloqramma, biokimyəvi müayinələr, mikrobioloji və kliniki analizlər və s. daxildir.

Qeyd edək ki, Qəbələ Rayon Mərkəzi Xəstəxanasında bütün analizlər icbari tibbi sığortanın Xidmətlər Zərfinə uyğun olaraq ödənişsiz həyata keçirilir.