Ömrünü tibb sahəsinə həsr etmiş, Şirvan Şəhər Mərkəzi Xəstəxanasının Yolxucu şöbəsinin tibb bacısı Elmira Babayevanın 65 yaşı tamam olub.

 

Xəstəxanadan Aztibb.az-a verilən xəbərə görə, Elmira Babayeva fəaliyyət göstərdiyi müddət ərzində həm Şirvan Şəhər Mərkəzi Xəstəxanasının kollektivi, həm də vətəndaşlar arasında böyük hörmət qazanıb.

 

Şirvan ŞMX PHŞ-nın direktoru Pərviz Rüstəmbəyov işinin pəşakarı olan Elmira Babayevanı 65 illik yubileyi münasibətilə təbrik edib, ona göstərdiyi xidmətlərə görə təşəkkürünü bildirib.

 

Qeyd edək ki, Elmira Babayeva 1958-ci ildə Salyan rayonunda anadan olub. O, Bakı şəhər, 1 nömrəli tibb məktəbinin Mamalıq fakültəsinin məzunudur. 1980-1982-cı illərdə Əli Bayramlı (Şirvan) Şəhər Mərkəzi Xəstəxanasının Yolxucu şöbəsində tibb bacısı vəzifəsində çalışıb. 1982-1985-ci illərdə Gürcüstanın SSR, Dmanisi rayonunun mərkəzi xəstəxanasında tibb bacısı işləyib. 1988-ci ildən Şirvan ŞMX-nın Yolxucu şöbəsində tibb bacısı kimi fəaliyyət göstərir.

 

Aztibb.az səhiyyə xəbər portalı adından Elmira Babayevanı təbrik edir, ona möhkəm can sağlığı, fəaliyyətində uğurlar arzulayırıq.