Aztibb.az-ın "Həkimlərimizi tanıyaq!" rubrikasında söz açacağımız növbəti həkimimiz Seyfəddin Məhərrəmovdur.

 

Yorulamadan və bütün çətinliklərə baxmadan 24 saat əhalinin sağlamlığının keşiyində dayanan Şirvan Şəhər Mərkəzi Xəstəxanasının Təcili Təxirəsalınmaz Tibbi Yardım şöbəsinin əzmkar həkimlərindən olan Seyfəddin Məhərrəmov bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

 

O, 15 yanvar 1960-cı ildə Gədəbəy rayonu Mor-Mor kəndində anadan olub. 1982-1988-ci illərdə N.Nərimanov adına Azərbaycan Dövlət Tibb İnstitutunun Müalicə-profilaktika fakültəsində təhsil alıb. 1988-1989-cu illərdə Bakı şəhəri TTTYS –da internatura keçib.

 

Seyfəddin Məhərrəmov 1985-ci ildə Şirvan Şəhər Mərkəzi Xəstəxanasında TTTYS-da çağırışçı həkim işləyib. 2021-ci ildən TTTYS-da təcili və təxirəsalınmaz tibbi yardım üzrə həkim vəzifəsində çalışır.