İsmayıl Əfəndiyev Avropa Respirator Cəmiyyətinin (ERS) prezidenti Marc Humbert, ERS Konqresinin sədrləri, professorlar Morisa Bonsignore və Sergio Hararenin şəxsi dəvəti ilə beynəlxalq tədbirə qatılıb.

 

Dünyanın 110-dan çox ölkəsindən 5000-dən çox əyani iştirakçısı olan irimiqyaslı konqresin plenar və panel sessiyalarında indiki dövr üçün aktual problem olan respirator sistemin müxtəlif patologiyaları, o cümlədən toksik və allergik zədələnmələrə aid məsələlər müzakirə olunub.

 

Konqresdə respirator xəstəliklərin epidemiologiyası, onların diaqnostikasının yeni növlərinin tətbiqi, müalicəsinə müasir yanaşmalar və bir sıra digər aktual məsələlər dünyanın və Avropanın aparıcı mütəxəssislərinin iştirakı ilə işıqlandırılıb və müzakirə edilib.

 

Beynəlxalq tədbir öz işini sentyabr ayının 13-nə qədər davam etdirəcək.