Aztibb.az-ın "Həkimlərimizi tanıyaq!" rubrikasında Gəncə Şəhər Birləşmiş Xəstəxanasının tabeliyindəki Z. Məmmədova adına xəstəxananın Fizioterapiya şöbəsinin həkim-fizioterapevti İlhamə Qədir qızı Ələsgərovanı oxuculara təqdim edirik.

O, 26 oktyabr 1965-ci ildə Bakı şəhərində anadan olub. 1983-cü ildə Azərbaycan Tibb Universitetinə qəbul olub. İnternatura kursunu 1989-1990-cı illərdə Gəncə şəhəri 2 saylı poliklinikada keçib.

İlhamə Ələsgərova 1992-2010-cu illərdə 4 saylı poliklinikada, 2010-2023-cü illərdə isə Gəncə Mərkəzi Klinik Xəstəxanasında həkim-fizioterapevt vəzifəsində çalışıb. Hazırda Z.Məmmədov adına xəstəxananın Fizioterapiya şöbəsində həkim-fizioterapevt kimi fəaliyyətini davam etdirir.

Həkim müxtəlif fizioterapiya üzrə kursların iştirakçısı olub.