"Həkimlərimizi tanıyaq!" rubrikamızda söz açacağımız Tovuz Rayon Mərkəzi Xəstəxanasının TTTYS-nın baş həkimi İmamverdi Qənbər oğlu Qəmbərov zəngin iş təcrübəsinə malik peşakar həkimlərimizdən biridir. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.
O, 5 dekabr 1955-ci ildə Tovuz rayon Əyyublu kəndində anadan olub. 1972-1979-cu illər ərzində Azərbaycan Tibb Universitetinin Müalicə-profilaktika fakültəsində təhsil alıb. 1980-1981-ci illərdə Gəncə şəhər Abbas Səhhət adına xəstəxanada internatura keçib.
İ.Qəmbərov 1983-1986-cı illərdə Tovuz RMX-nın Təcili Təxirəsalınmaz Tibbi Yardım Stansiyanda növbətçi həkim, 1987-1988-ci illərdə Tovuz RMX–ın Həkim Əmək Ekspert Komissiyasında komissiya üzvü, 1989-1990-cı illərdə Tovuz RMX–nın TTTYS-da növbətçi həkim vəzifələrində çalışıb. 1990-cı ildən Tovuz TTTYS-da baş həkim kimi fəaliyyətini davam etdirir.
