“Həkimlərimizi tanıyaq!” rubrikamızda bütün pasiyentlərinə qayğı və həssaslıqla yanaşan Şamaxı Rayon Mərkəzi Xəstəxanasında Terapiya şöbəsinin müdiri İslam Ağayevi Sizlərə təqdim edirik.

O, 1959-cu ildə Şamaxı rayonunda anadan olub. 1980-ci ildə Nərimanov adına Tibb Universitetinə daxil olub, 1986-cı ildə fərqlənmə diplomu ilə universiteti bitirib.

İslam Ağayev 1987-1992-ci illərdə Şamaxı Rayonu Bağırlı kəndində həkim ambulatoriyasının müdiri, 1993-2020-ci illərdə Şamaxı Rayon Mərkəzi Xəstəxanasının Qan köçürmə şöbəsində müdir vəzifələrində çalışıb. 1992-ci ildən Şamaxı Rayon Səhiyyə işçiləri Həmkarlar Şurasının sədridir. Hazırda Şamaxı Rayon Mərkəzi Xəstəxanasında Terapiya şöbəsinin müdiri kimi fəaliyyət göstərir.

2015-ci ildə Prezident İlham Əliyevin müvafiq Sərəncamı ilə səhiyyə sahəsində səmərəli fəaliyyətinə görə "Tərəqqi" medalı ilə təltif olunub.