Şuşa Rayon Mərkəzi Xəstəxanasında "Heydər Əliyev İli" ilə əlaqədar tədbir keçirilib.

 

Xəstəxanadan Aztibb.az-a bildirilib ki, tədbirdə tibb müəssisəsinin direktoru Kəmalə Səfərova Ulu Öndər Heydər Əliyevin şərəfli ömür yolundan, ölkəmizin tərəqqisi uğrunda göstərdiyi misilsiz xidmətlərdən və görkəmli şəxsiyyətin səhiyyəmizin inkişafı istiqamətində gördüyü işlərdən bəhs edib.

 

Bildirib ki, Ulu Öndərin Azərbaycanda hakimiyyətə gəlişi ilə cəmiyyət həyatının bütün sahələrində sürətli yüksəliş, milli ruhun inkişafı və mənəviyyatın tərəqqisi dövrü başladı: "1969–cu ilin avqustunda keçirilmiş tarixi plenumda Azərbaycanda səhiyyənin inkişaf sürətini prinsipcə dəyişmək qarşıya vəzifə kimi qoyulmuşdu. Respublikanın yeni rəhbərinin bu sahədə tərəqqiyə nail olmaq əzmi özünü çox qısa bir müddətdə göstərdi. Azərbaycanda hər sahədə vəziyyəti yaxşılaşdırmaq üçün var qüvvə ilə çalışmağa başlayan Heydər Əliyevin əsas fəaliyyət istiqamətlərindən biri də məhz səhiyyə oldu".

 

Tədbirdə Heydər Əliyevin tibb sahəsinə göstərdiyi diqqət və qayğıdan, səhiyyə sahəsində qanunvericiliklə bağlı misilsiz xidmətlərindən, eləcə də görkəmli dövlət xadiminin tibbi kadrların yetişdirilməsindəki rolundan danışılıb.