İngiltərənin Çester şəhərində xəstəxanada işləyən tibb bacısı Lucy Letby 7 körpəni öldürmək və 6 körpəni isə öldürməyə cəhd etmək ittihamları ilə ömürlük həbs cəzasına məhkum edilib.

Aztibb.az medimagazin.com.tr-yə istinadla bildirir ki, 2015-2016-cı illərdə Chester Xəstəxanasındda 7 körpə ölümü ilə bağlı keçirilən məhkəmə prosesində münsiflər heyəti tərəfindən günahkar bilinən Letby üçün Mançesterdə məhkəmə iclası keçirilib.

Hökmü açıqlayan hakim Ceyms Qoss məhkəmədəki çıxışında Letbinin 2015-ci ilin iyun ayından 2016-cı ilin iyun ayına qədər 7 körpəni öldürdüyünü, 6 körpəni öldürməyə cəhd etdiyini bildirib.

Letbinin insanlığa və tibb bacısına qarşı davranışının insanların səhiyyə müəssisəsinə olan inamını da zədələdiyini bildirən Qoss deyib: "Zərər verdiyiniz körpələr vaxtından əvvəl doğulub, bəziləri isə ölüm riski altında olub. Amma hər bir halda siz qəsdən öldürmək niyyəti ilə onların həyatına son qoymusuz. Körpələrə zərər vermənin tibb bacısı vəzifənizlə zidd olduğunu qeyd etmişdiniz. Bəli, bu belədir. Ümumiyyətlə, məhkəmə zamanı söylədiyiniz çox şey yalan idi."

Qətl və adam öldürməyə cəhd kimi 22 cinayətlə bağlı iddiaları qəbul etməyən Letbi, ölümlərdə xəstəxana şəraitini günahlandırıb.

İstintaq çərçivəsində ölən və ya müdaxilələrlə xilas edilən bütün körpələrin Letbinin nəzarətində olduğu ortaya çıxıb. Letbinin körpələrə hava və ya insulin yeritdiyi, onları həddindən artıq qidalandırdığı, küvəzin içərisinə hava verdiyi kimi tətbiqlər etdiyi müəyyənləşib.