Zərifə Əliyeva adına Naxçıvan şəhər Poliklinikasında Naxçıvan Muxtar Respublikası Səhiyyə Nazirliyi və Naxçıvan Muxtar Respublikası İcbari Tibbi Sığorta üzrə Dövlət Agentliyinin birgə təşkilatçılığı ilə hesabatlılığın formalaşması və elektronlaşmanın tam təmin olunması ilə bağlı tədbir keçirilib.

Bu barədə Aztibb.az-a Naxçıvan Səhiyyə Nazirliyindən xəbər verilib.

Bildirilib ki, Səhiyyə Nazirliyinin aparat rəhbəri Vüsal Məmmədov, İcbari Tibbi Sığorta üzrə Dövlət Agentliyinin İdarə Heyəti sədrinin müavini Vüsal Məmmədov və Poliklinikasının baş həkimi Ləman İbrahimova tədbirdə çıxış edərək yığıncağın keçirilməsinin məqsədindən danışıblar. Qeyd olunub ki, icbari tibbi sığortanın başlıca funksiyası tibb müəssisələrində düzgün hesabatlılığın və şəffaf maliyyə mexanizminin yaradılmasıdır.

İcbari Tibbi Sığorta üzrə Dövlət Agentliyinin Səhiyyə və tibbi statistika şöbəsinin müdiri Aysel Mikayılova və həmin şöbənin Ekspertiza sektorunun baş məsləhətçi-iqtisadi eksperti Qadir Rəfiyev 2023-cü ilin 6 ayı ərzində poliklinika tərəfindən göndərilən hesabatlarda Agentlik tərəfindən sığorta ödənişindən imtina və ya sığorta ödənişinin qismən verilməsinin səbəblərini, tələb olunan maliyyə vəsaitlərinin tibb müəssisəsinə nə üçün azaldılaraq ödənildiyini tibb işçilərinin nəzərinə çatdırıblar.

Tədbir diskussiya ətrafında davam etdirilib və Agentliyin əməkdaşları həkimləri maraqlandıran məqamlara aydınlıq gətiriblər. Qeyd olunib ki, tibb işçilərinin tam məlumatlanması və hesabatlarda olan nöqsanların tamamilə aradan qaldırılması məqsədilə növbəti günlərdə Agentliyin əməkdaşları tərəfindən fərdi təlimlərin keçirilməsi nəzərdə tutulub.