Qəbələ rayonu turizm mərkəzlərindən biri olduğu üçün xüsusilə isti yay aylarında yerli və xarici turistlər Qəbələyə üz tuturlar. Bu səbəbdən xəstəxanaya müraciət sayı da az olmur.

19.08.2023 - 20.08.2023-cü il (həftəsonu) tarixlərində “Qəbələ Rayon Mərkəzi Xəstəxanası” publik hüquqi şəxsin Təcili Yardım şöbəsinə 350 vətəndaş müraciəti daxil olub.

Xəstəxanadan Aztibb.az-a bildirilib ki, onlardan 18 nəfər travmalı xəstələr, 108 nəfər pediatrik xəstələr, 224 nəfər isə ishal, yüksək temperatur, allergiya, yüksək təzyiq və müxtəlif xəstəliklərlə müraciət ediblər.

Həmçinin bu tarixlərdə Təcili Təxirəsalınmaz Tibbi Yardım şöbəsinə 51 çağırış daxil olub.