Həkim-cərrahlar Əşrəf Qafarov və Fəqan Zalov Sumqayıt Tibb Mərkəzində (STM) fəaliyyətə başlayıblar.
Bu barədə Aztibb.az-a STM-dən xəbər verilib.
Bildirilib ki, Ə.Qafarov 1979-1985-ci illərdə Azərbaycan Tibb Universitetinin Müalicə işi fakültəsində təhsil alıb. 1985-1986-cı illərdə Bakı şəhər Kliniki Tibb Mərkəzi Xəstəxanasında cərrahi xəstəliklər üzrə internatura keçib. 1986-1989-cu illərdə Ucar rayonu Mərkəzi Xəstəxanasının Cərrahiyə şöbəsində həkim-cərrah, 1990-1997-ci illərdə M.A.Topçubaşov adına Elmi Cərrahiyyə Mərkəzinin Endokrin cərrahiyyə şöbəsində elmi işçi-cərrah, 2019-cu-ildə isə Yevlax Rayon Mərkəzi Xəstəxanasının Cərrahiyyə şöbəsində həkim-cərrah vəzifələrində çalışıb. O, Sumqayıt Tibb Mərkəzinin 4 nömrəli Xəstəxanasında həkim-cərrah kimi fəaliyyət göstərəcək.
Mütəxəssis, ümumi cərrah Fəqan Zalov isə Sumqayıt Tibb Mərkəzinin 4 nömrəli Xəstəxanasında cərrah vəzifəsinə təyinat alıb.
O, 1990-cı ildə Ağcabədi rayonunda anadan olub.
2008-2014-cü illərdə Azərbaycan Tibb Unıversitetinin Müalicə-profilaktika fakültəsində təhsil alıb. 2011-2013-cü illərdə Dövlət Sərhəd Xidmətinin hərbi hospitalında işləyib. 2019-2020- cü illərdə Ağcabədi Rayon Mərkəzi Xəstəxanasının Cərrahiyyə şöbəsində cərrah, 2020-ci ildə Sumqayıtda özəl klinikalardan birində ümumi cərrah, 2021-2023-cü illərdə isə Respublika Klinik Xəstəxanasında həkim-cərrah kimi çalışıb.
