Əsasən pişikdən və digər heyvanlardan insana düşə biləcək tək hüceyrəli mirkoorqanizm - toksoplazma (gondii) hamilə qadınlarda hamiləliyin pozulmasına və ya körpələrdə ciddi sağlamlıq problemlərinə, eləcə də görmə zəifliyinə səbəb ola biləcək bir xəstəlikdir.

Aztibb.az xəbər verir ki, bu barədə Xətai Tibb Mərkəzinin oftalmoloqu Təranə Əliyeva bildirib.

Onun sözlərinə görə, toksoplazma gözdə retinanın infeksiyasına, görmə sinirinə və ya görmə mərkəzinə (makula) ciddi ziyan vura bilər. Müalicə edilmədiyi təqdirdə xəstədə görmə qabiliyyətinin itirilməsinə səbəb ola bilər.

T.Əliyeva bu və ya digər göz problemlərinin vaxtında qarşısını almaq üçün həkimə müraciət etməyi məsləhət görüb.