Hər ikisi peyğəmbər anadangəlmə yarımsünnətli, yəni Hipospadiya problemi ilə doğulan qardaşların cinsiyyət orqanında ciddi əyrilik mövcud idi. 7 və 9 yaşları olmalarına baxmayaraq, yaşadıqları xarici ölkədə onların əməliyyatları üçün hələ tez olduğunu deyiblər.
Aztibb.az xəbər verir ki, bu barədə Mərkəzi Klinikanın uzman uşaq cərrahı Fuad Hüseynov məlumat verib.
Həkimin sözlərinə görə, uşaqların çiş elədiyi dəlik cinsiyyət orqanın ucuna deyil, alt hissənin ortasına açılırdı (Midpenil Hipospadiya). Bu vəziyyət isə, gələcəkdə ciddi problemə səbəb olacaqdı.
F.Hüseynov bildirib ki, cərrahi əməliyyatla uşaqların cinsiyyət orqanındakı əyrilik düzəldilib, çiş elədiyi dəlik cinsiyyət orqanının ucuna gətirilib.
Əməliyyat uğurla başa çatıb və qardaşlar sağlam şəkildə evlərinə yola salınıblar.