Son dövrlər qazlı içkilərə tələbat artmaqdadır. Lakin toksik təsirə malik bu içkilər insan orqanizmində bəzi fəsadlar yarada bilər.

Mütəxəssislər qazlı içkilərin tərkibində olan şəkər, kalori və müxtəlif qatqı maddələri ilə bağlı araşdırma aparıblar. Tədqiqatlar zamanı bu içkilərdən mütəmadi istifadə edən adamlarda osteoparoz, ağız boşluğu, həzm sistemi, piylənmə və ürək xəstəliklərinin meydana gəldiyi məlum olub.

Qazlı içkilərdən istifadə edənlərdə bu içkilərə qarşı asılılıq yaranır. Bu içkilər orqanizmdə aşağıdakı patologiyaların əmələ gəlməsinə səbəb olur.

• Qazlı içkilər kalsiumun orqanizm tərəfindən mənimsənilməsini azaldır;

• Mədə turşuluğunu azaldaraq həzmin getməsini ləngidir;

• Sümük sistemi xəstəliklərinin əmələ gəlməsinə səbəb olur;

• Tərkibindəki şəkər orqanizmdə daha artıq insulinin olmasını tələb edir;

• Arterial təzyiqin artmasına səbəb olur;

•  Metabolozmi zəiflədir;

• Endokrin sistemə mənfi təsir göstərir, şəkərli diabetə səbəb ola bilir.;

• Tərkibindəki kofein sayəsində böyrəküstü vəzlərin fəaliyyətinə birbaşa mənfi təsir edir.

Qazlı içkilərə olan meyillilik orqanizmə pis təsir etdiyindən ondan ən çox azyaşlı uşaqların və gənclərin uzaq durması məsləhətdir.