İsveçrənin Sürix şəhərindən Çin Xalq Respublikasının Honq Konq XİB-ə uçuş sırasında halı pisləşən İngiltərə vətəndaşı Vai Uing Eugenie tibbi müdaxilə edilməsi üçün təyyarə Heydər Əliyev Beynəlxalq Hava Limanına eniş edib. Başqa bir klinikaya yerləşdirilən pasiyentdə insult şüphəsi olduğundan Bakı Sağlamlıq Mərkəzinə transfer olunub.
Mərkəzdən Aztibb.az-a bildirilib ki, huşu qapanıq halda müəssisəyə gətirilən pasiyetə ilkin müayinə olunduqdan sonra intrakranial hematom (kəllədaxili qanama) olduğu üçün neyrocərrah və invaziv radioloq həkim briqadası tərəfindən əməliyyat icra edilib.
Əməliyyat fəsadsız yekunlaşıb.
Daha sonra stasionar müalicə üçün Reanimasiya şöbəsinə keçirilən Vai Uing Eugenienin müalicəsi davam etdirilib. 17 gün Reanimasiya şöbəsində müalicə edilən pasiyent transporta hazır olduğu düşünüldükdən sonra hava ambulansının vasitəsi ilə Honq Konq XİB-ə yola salınıb.
