"Dahi təbiblər" rubrikasında Azərbaycan cərrahı, tibb elmləri doktoru, professor, Azərbaycan SSR Əməkdar həkimi və Əməkdar elm xadimi Hüseyn Kərim oğlu Əliyev haqqında məlumatları təqdim edirik.

O, 11 avqust 1897-ci ildə Kəlbəcərin Qoturlu kəndində anadan olub. 1918-ci ildə seminariyanı qızıl medalla bitirərək Fəhlə-Kəndli Qırmızı Ordu və Dəniz Donanması Hərbi-Tibb Akademiyasına qəbul olub, 1926-cı ildə təhsilini başa vurub. Hələ 5-ci kursda təhsil alarkən elmi tədqiqat işlərinə başlayan Hüseyn Əliyev “Aqlyutinemlərin absorbiyası yolu ilə qanın qrupunun təyini” mövzusunda ilk elmi tədqiqat işini yazıb. Elə həmin ildə Qafqaz Qırmızı Bayraqlı Ordusunda işə qəbul edilib və Bakı Hərbi Hospitalında Şöbə rəisi vəzifəsini icra etməyə başlayıb.

Hüseyn Əliyev 1937-ci ildə “Öd kisəsi və öd yolları patologiyası” doktorluq dissertasiyasını müdafiə edib. 1939-cu ildə Azərbaycan Həkimləri Təkmilləşdirmə İnstitutunda Ümumi cərrahiyyə kafedrasına müdir təyin edilib və 28 il bu vəzifədə çalışıb. 1967-ci ildə o, yenidən 2-ci hospital cərrahiyyə kafedrasına müdir təyin olunub.

“Qırmızı Əmək Bayrağı” ordeni, “Qızıl Ulduz” ordeni, “Səhiyyə əlaçısı” döş nişanı və müxtəlif medallarla təltif olunub.

Görkəmli cərrah Əliyev Hüseyn Kərim oğlu 31 iyun 1973-cü ildə Bakı şəhərində vəfat edib.