12 avqust - Xəzər dənizinin ətraf mühitinin mühafizəsi günü ilə əlaqədar Ekologiya və Təbii Sərvətlər Nazirliyi, Azərbaycan Xarici İşlər Nazirliyi, İcbari Tibbi Sığorta üzrə Dövlət Agentliyi, Bakı Şəhəri Binəqədi Rayon İcra Hakimiyyətinin rəsmiləri və əməkdaşlarının, Alpinizm Federasiyasının nümayəndələrinin, eləcə də ASAN könüllüləri və ekokönüllülərin iştirakı ilə Xəzər dənizinin Novxanı sahilində genişmiqyaslı təmizlik aksiyası keçirilib.

Bu barədə Aztibb.az-a Agentlikdən xəbər verilib.

“Xəzər üçün birgə” devizi altında təşkil olunan təmizlik aksiyasında sahilboyu ərazilər 1 tona yaxın plastik və digər tullantılardan təmizlənib.

Aksiyada Agentliyin İdarə Heyətinin sədri Zaur Əliyevlə yanaşı, ekologiya və təbii sərvətlər naziri Muxtar Babayev və Binəqədi Rayon İcra Hakimiyyətinin başçısı Elxan Allahverdiyev də iştirak ediblər.