Aztibb.az-ın "Həkimlərimizi tanıyaq!" rubrikasınfa həkim-uroloq Fərid Rüstəmovu sizə təqdim edirik.

Fərid İlqar oğlu Rüstəmov 21 iyun 1980-cu ildə Lənkəran şəhərində anadan olub. 1998-2005-ci illərdə Azərbaycan Dövlət Tibb Universitetinin Pediatriya fakültəsində ali təhsil alıb. 2004-cü ildə Bakı şəhər Təcili Tibbi yardım xəstəxanasında anestezioloq-reanimatoloq ixtisası üzrə internatura keçib.

O, 2005-ci ildə Lənkəran Rayon Mərkəzi Xəstəxanasında, 2006-cı ildə Mərkəzi Neftçilər Xəstəxanasında həkim kimi fəaliyyət göstərib. 2007-ci ildə Rusiya Federasiyası Elmi-Tədqiqat Uralogiya İnistitutunda ali təhsil alıb, daha sonra Volqaqrad Tibb Universitetinin Voljski şəhəri Urologiya və Transplantalogiya Xəstəxanasında urologiya üzrə 2 illik kliniki ordinatura təhsili alıb.

2011-2012-ci illərdə Bakıda Milli Onkologiya Mərkəzinin Onko-urologiya şöbəsində onko-uroloq işləyib.  Hazırda Lənkəran Rayon Mərkəzi Xəstəxanasının Uralogiya şöbəsində həkim-uroloq kimi fəaliyyət göstərir.

Həkim 2012-ci ildə Türkiyə Cumhuriyyəti İstanbul Tibb Universitetində andrologiya, urologiyanın endo və laparoskopik bölmələrində aq uralogiyası üzrə kursu müvəffəqiyyətlə bitirib.

Həmçinin Avropa Uroloqlar Assosiasiyasının London, Madrid, Danimarkada təşkil etdiyi uralogiya üzrə kurslarda iştirak edib.

Fərid Rüstəmov Türkiyə, Avropa və Azərbaycan Uroloqlar İttifaqının üzvüdür.